जळगाव (क्राईम टुडे न्यूज) । राष्ट्रीय महामार्गावरील दुरदर्शन टॉवर समोरील एक गॅरेज समोर उभ्या असलेल्या डंपरला मध्यरात्री अचानक आग लागल्याची घटना घडली. या घटनामूळे परिसरात खळबळ उडाली. महापालिकेच्या अग्निशमन विभागाच्या बंबाच्या सहाय्याने ही आग विझविण्यात आली. या आगी वाहनाचे मोठे नुकसान झाले आहे.
जळगाव ते भुसावळ रोडवरील असलेल्या दुरदर्शन टॉवर समोर असलेल्या आनंद सर मोटर बॉडी रिपेरिंग गॅरेज दुकान आहे. या गॅरेजच्या समोर सोमवारी १६ जानेवारी रोजी रात्री १० वाजता डंपर क्रमांक (एमएच १९ झेड ५८८८) उभा होता. मध्यरात्री अडीच वाजेच्या सुमारास उभ्या डंपरला अचानक आग लागली. आग लागल्याची घटना घडल्यानंतर जळगाव महापालिकेच्या अग्निशमन विभागाच्या बंबाला बोलवण्यात आले. या फायर फायटरच्या मदतीने आग आटोक्यात आणण्यात यश आले. आग लागण्याचे कारण समजू शकले नाही अग्निशमन विभागाचे चालक संतोष तायडे, फायरमन रविंद्र बोरसे, पन्नालाल सोनवणे यांनी सहकार्य केले.
