वरणगाव (क्राईम टूडे न्यूज) । वरणगाव शहरातील हॉटेल रोशनीज येथे जेवण आणि दारू मागितल्याच्या कारणावरून तीन जणांना तरूणाला लोखंडी रॉडने मारहाण करून गंभीर दुखापत केली आहे. याबाबत तीन जणांविरोधात वरणगाव पोलीसात गुन्हा दाखल करण्यात आला आहे.
पोलीस सुत्रांनी दिलेली माहिती अशी की, भुसावळ तालुक्यातील निंभोरा येथील अक्षय सुरेश पाटील (वय-२८) हा तरूण आपल्या परिवारासह वास्तव्याला आहे. रविवारी १२ नोव्हेंबर रोजी रात्री साडेअकरा वाजता अक्षय हा त्याचे मित्र लखविंदर जसविंदर सोनसोये आणि रितेश पाटील यांच्यासोबत वरणगाव शहराजवळील हॉटेल रोशनीज येथे जेवणासाठी आलेले होते. त्यावेळी तिथे जेवन करत असतांना अक्षय पाटील याने भात व पिण्यासाठी दारू मागितली. याचा राग आल्याने हॉटेलातील आशिष चौधरी व त्याचा भाऊ आणि चंद्रशेखर नावाचा व्यक्ती असे तीन जणांना लोखंडी रॉडने मारहाण करून गंभीर जखमी केले. हा प्रकार घडल्यानंतर अक्षय पाटील याने वरणगाव पोलीस ठाण्यात धाव घेवून तक्रार दिली. त्यानुसार तीन जणांविरोधात गुन्हा दाखल करण्यात आला आहे.
