जळगाव (प्रतिनिधी)- जामनेर शहरातील वाकी रोडवरील हरिओम नगर जवळ भरधाव वेगाने जाणाऱ्या डंपर ने दुचाकीला धडक दिल्यामुळे निलेश नामदेव बडगुजर वय 32 रा.पाळधी, हल्ली मुक्काम जामनेर या एसटी कर्मचाऱ्याचा जागेवरच मृत्यू झाल्याची गुरुवारी रात्री साडेनऊ वाजता घटना घडली आहे.
एसटी कर्मचारी निलेश नामदेव बडगुजर व मित्र नितीन माधव सोनवणे हे दुचाकी वर जात असताना जामनेर शहरातील वाकी रोडवरील हरिओम नगर जवळ जामनेर कडे येणाऱ्या डंपरने त्याच्या दुचाकीला समोरून धडक दिली. या धडकेत दुचाकीवरील निलेश नामदेव बडगुजर याचा जागीच मृत्यू झाला तर असून नितीन सोनवणे हे जखमी झाले आहे. जखमीला तात्काळ रुग्णालयात उपचारासाठी हलवण्यात आले. मयत निलेश बडगुजर हे जामनेर एसटी डेपो क्लर्क या पदावर कार्यरत होते . सदर घटनेची माहिती मिळताच जामनेर उपजिल्हा रुग्णालयामध्ये मित्र व नातेवाईकांनी आक्रोश केला. हा आक्रोश पाहून उपस्थितांचे डोळे पाणावले होते. निलेश बडगुजर यांच्या पक्षात पत्नी व एक मुलगा आहे भाऊ असा परिवार आहे.
#jalgaonews#crimenews#accidentnews#busdepojamner
